Accesa

Hè tempu di serenità prumessa
Ùn sentu dì quell’alma sottumessa
Basta cusì

A tarra sente a piove ch’hè falata
È in la mio mente, a rabbia s’hè calata
È po s’hè spenta

Ma fermarà per sempre
A tristezza di quella
Lascita chì face entre
U so ricordu d’ella
È chì mi lascia senza
Quella presenza
Accesa

U celu hè grisgiu, u mo esse hè listessu
Risona è intisgia la nostra la prumessa
In l’onde lisce

Si sente u tonu è u ventu in timpesta
Chì dà u tonu à sta canzona in testa
Di l’autunnu

Nant’u mare le sciume
Nant’u mio core un velu
Ùn trovu più u lume
Chì face a vita bella
Ùn sentu più u prufumu
Di i soii i capelli
È si ne parte in fumu
U me sognu
Accesu

Sarà cumu
Difesu

A.P.
Sabbatu u 18 d’Aostu di u 2018
Portu