Bloggu ingiru à i puemi in lingua corsa d’Antoine Parodin. Mandate puru u vostru avvisu in cummenti ! Bon’ viaghju in issi sogni scritti !
jeudi 21 février 2019
L’ore di quì
Ti sò l’ore di quì
Una gioia serena
Castelli à custruì
Di sale è di rena
Ti sò l’ore di quì
Quelle di u vultà
A ghjente toia chì
T’invita à cantà
L’ore di quì sò u to passu
Sò u to tempu da capì
Sò a sperenza d’un novu chjassu
Sò u to passu l’ore di quì
Ti sò l’ore di quì
Silenzii d’attrachjate
Lochi di e passione
Di l’innamurichjate
Ti sò l’ore di quì
Una lingua chì vene
À cantà ti u passatu
L’avale è l’avvene
Inscription à :
Publier les commentaires (Atom)
Aucun commentaire:
Enregistrer un commentaire