Tutti ci sò

Rivecu sempre u mio scornu
In sta pezza accesa
D’a gran’ casa d’u paese
U ghjornu si pesa
Oghje ùn ci hè più nunda in fornu
Hè mutu tutt’u cuntornu
È n’ùn ci sò più

Rivecu sempre u carminu
U focu è e fiare
Cose ch’o tiniu care
Memoria fiumara
L’hà pigliati tutti tutti
Senza fanne manc’un fruttu
È n’ùn ci sò più

Rivecu e strette à a luce
Di u sole d’oru
Caldu caldu è m’innamoru
Di ‘ssi ochji tesoru
Turchini quant’è u mare
E so onde sempre chjare
È n’ùn ci sò più

Ma ci vecu una bandera
Sempre à svintulà
Chì dà voglia di cantà
À quelli d’avà
A ghjuventù ch’hà la brama
D’accende la torna a fiamma
È tutti ci sò

Chì dà voglia di luttà
Pà la nostra Corsica
È tutti ci sò

Antoine Parodin